Aurkezpenari azken ukituak ematen...

Gaur auzkerpenen aurretik geratzen zaigun azken astea denez, aurkezpenari azken ukituak ematen ibili gara. SITES-ean informazio gehiena daukagu jadanik, gauza pare bat igotzea baino ez da geratzen eta gero itxura pixka bat apaintzea. 

Aurkezpenari dagokionez, azkenan hau azaltzea erabaki dugu:

• Sare sozialen definizioa eta motak
• Sare sozialen arriskuak eta erabiltzeko gomendioak
• Ikasleek sare sozialei ematen dienten erabilera
• Sare sozialak hezkuntzan
• Hezkuntzara bideratuta dauden sare sozialak
• Edmodo

Niri pertsonalki hezkuntzara bideratuta dauden sare sozialak azaltzea egokitu zait, batez ere, informazioa aurkitzerakoan ni izan naizelako gai horretaz arduratu dena. Pertsonalki, ez nituen hezkuntzara bideratutako sare sozialik ezagutzen, ez ditudalako inoiz erabili eta ni eskolan negoenean ere ez zirelako erabiltzen, baina oso erabilgarriak izan daitezkeela iruditzen zait, batez ere komunikazioa asko errazten dutelako, bai gurasoei, bai ikasleei eta bai irakasleei dagokienez, eta horrez gain, ingurune hauek hezkuntzara bideratuta daudenez segurtasunaren aldetik nahiko seguruak direlako. Orokorrean hezkuntzarako sare sozial hauek aukera berdintsuak eskaintzen dituzte (mezuak jaso eta bidali, kalifikazioak igo, fitxategiak igo, liburutegi bat sortzeko aukera eman...) eta nahiko errazak dira erabiltzeko. 

Hezkuntza esparrurako sare sozial asko aurkitu ditugunez,  Edmodo deituriko sare soziala gure klasekideeipixka bat erakustea erabaki dugu, sare hau nahiko modan jarri delako eta gero eta eskola gehiagotan erabiltzen hasi delako. Horretarako, kontu bat sortu behar izan genuen sare sozial honetan, noski. Esan beharra dut Facebook-en antza handia daukala eta gainera oso erraza dela erabiltzeko (arazoren bat edukitzekotan Youtuben Edmodo erabiltzen ikasteko tutorial asko daude), beraz, probetxu handia atera ahal zaiola uste dugu nire taldekideak eta nik. 

Folksonomia eta TAG-en garrantzia

Alaitzen hiru kontzeptu desberdin definitzeko eskatu digu gaur: RSS sindikazioak, Creative Commons lizentzia eta Folksonomía (TAG-en garrantzia). Horretarako, talde bakoitzari kontzeptu bat definitzea egokitu zaie (sei talde garenez kontzeptu bakoitzaren inguruan bi talde aritu dira) eta gure taldeari Folksonomía eta TAG-en garrantzia zer den azaltzea tokatu zaigu. Talde osoa termino honen definizioa egiten ez ibiltzeko ni izan naiz kontzeptua definitu dudana eta besteak SITESean lanean jarraitu dute. Beraz...

ZER DA FOLKSONOMIA? 

Folksonomia, Thomas Vander Wal-ek sortutako terminoa (Folk=jendea + taxonomía),  etorkizunean berreskuratzeko helburuarekin web helbidea (url) daukan edozein eduki digitalaren banakako etiketatu askearen emaitza da.

Folksonomia web edukiak etiketatzearen ondorio zuzena da. Ekintza hau Internet-eko milioika erabiltzailek burutzen dute eta hau burutzea erraztu egiten da Web 2.0 aplikazioei esker, Social Bookmarking bezala ezagunak direnak.

Folksonomiaren edo TAG-en garrantzia dago alde batetik, beraien erabilpena errazten duten hiru elementuetan: etiketatzen duen pertsonak, etiketatutako errekurtsoa eta eduki horri jartzen zaion etiketaren izena, eta beste alde batetik pertsonek bere berezko hiztegia erabili dezaketelako kontsumitzen ari diren edukiari balioa eransteko bai erabiltzaile, bai produktore gisa.

Hezkuntzari dagokionez, irakasle batek Delicious, BlinkList edo Furl bezalako erremintak erabili ditzake bere klaseetan erabili ahalko dituen errekurtsoen eta edukien zerrenda kategorizatu bat egiteko eta horrez gain, beste irakasle batzuekin konpartitzeko. Irakasle honek faborito bezala markatutako edukiren bat kontsultatzean errekurtso horretarako etiketa berdina erabiltzen duten beste pertsona batzuk topa ditzake eta horrela, antzeko interesak eta etiketatzeko antzeko hiztegia duten pertsonak ere aurki ditzake. Gainera, etiketak behin eta berriro sortzen direnez, sortzen ari diren interesen tendentziak deskubritzea posiblea da.

Aplikazio hauek ere errazten diote erabiltzaileari errekurtsoen bilaketa kategoria espezifikoetan, kategoria horietako edukiak zenbat alditan izan diren estekatuta eta gomendatuta bigarren irizpide gisa erabiliz.

SITESa betetzen!

Gaurko klase praktikoan SITESa betetzen jarraitu dugu. Horretarako gure gaiaren (sare sozialak) inguruko informazioa bilatzen eta aukeratzen ibili gara. Batez ere, sare sozialak hezkuntzan izan ditzaketen erabilerei buruz eta ikasleek bai eskolan, bai eskolatik kanpo ematen dieten erabilerari buruzko informazioa aurkitzen saiatu gara.

Sitesean jadanik sare sozialen definizioa eta sare sozial motei buruzko informazioa aurki dezakezue, eta baita ere sare sozialak dituzten arriskuak eta hauek erabiltzeko gomendioak ere.

Horrez gain, aurkezpenari buruz pentsatzen aritu gara, hau da, aurkezpena nola burutuko dugun, baina momentuz ez dugu ezer argi informazioa lantzen ari dugulako oraindik. Aurreko sarrera batean aipatu nuen bezala, gai honi buruz informazio asko dago sarean, eta horrexegatik zaila egiten zaigu informazio guzti horren gainean aukeraketa bat egitea eta erabakiak hartzea. Hala ere, lanean murgilduta gaude guztiz, beraz, ez dut uste arazorik izango dugunik azkenean. 

Diruak baliorik izango ez balu... Zer egingo zenuke?

"El único objetivo de la educación debería ser educar para ser felices." 

Aurreko sarreraren azkeneko esaldiarekin hasten dut sarrera berri hau, izan ere, bizitzan guztiok bilatzen dugu zoriontasuna, eta gure bizitzan hezkuntza oso garrantzitsua denez, bilaketa horretan lagundu behar digu. Baina, nahiz eta guztiok zoriontsuak izan nahi, benetan egiten dugu zoriontsu egiten gaituzten gauzak? Gure denbora gauza horietan inbertitzen dugu? Edo horiek alde batera usten ditugu irtenbiderik ez daukatela pentsatzen dugulako? Nork kontrolatzen du gure bizitzak, gure benetako zoriontasunak edo diruak? Eta azken galdera bat, hezkuntza benetan dago bideratuta norberak bere zoriontasuna aurkitzeko edo oraindik ez dago horretarako prestatuta eta aurrerapauso bat eman beharra dugu?

“When I was 5 years old, my mother always told me that happiness was the key to life. When I went to school, they asked me what I wanted to be when I grew up. I wrote down ‘happy’. They told me I didn’t understand the assignment, and I told them they didn’t understand life.”-John Lennon.

Galduta...

Alaitzek praktikako klasean jarri digun bideoa usten dizuet hemen. Bideoa "The lost thing" edo "La cosa perdida" deitzen da eta "korto" edo film labur bat da, nahiko berezia nire ustez, irudiak eta kontatzen duen istorioa oso interesgarriak iruditzen baitzaizkit. Niri bereziki film laburrak asko gustatzen zaizkit, batez ere animatuak direnak, eta  denboratxo bat daukadan bakoitzean youtuben bilatzen ditut. Hala ere, hau bereziki deigarria iruditu zait hausnarketa eragin duelako nigan. Etorkizunean izango garen hezitzaile bezala, nik uste dut guztiok identifikatuta sentitu garela (edo horrela izan beharko luke behintzat) mutikoarekin eta istorio honetan jokatzen duen paperarekin. Alaitzek esan duen moduan, gure helburua ikasle bakoitzak bere lekua zein den aurkitzen laguntzea da, bakoitzak berea, eta ez besteona dena. Badakigu guztiak garela desberdinak, eta, horrela bada, zergatik egin gauza berdinak? Zergatik eduki bizimodu berdina? Zergatik ez bilatu gure "leku berezia" munduan? Batzuetan bilaketa zailagoa egingo zaigu, beste batzuetan ez, baina bilaketa horretan laguntza izateak seguru bidea erraztuko digula. Eta hori da, hain zuzen ere, gure papera, hezitzaileon papera. 

Sare sozialen inguruan lan egiten!

Gaur gure SITESa betetzeko informazioa bilatzen aritu gara. Egia esanda sare sozialei buruzko informazio asko dago interneten, horiek gero eta gehiago zabaltzen ari direlako eta gure eguneroko bizitzaren parte bihurtu direlako, baina horrez gain, eztabaida asko sortzen dituztelako horien alde daunenen eta horien kontra daudenen artean. Egia da sare sozialek hainbat alderdi txar eta arrisku dituztela, baina egia da ere oso baliagarriak izan daitezkeela edozein eremutan (hezkuntza, enpresetan...) eta ez soilik eremu "pribatuan". Gainera, asko normalizatu direnez gure gizartean eta bizitzan, nire ustez, oso garrantzitsua da ikasleak ere sare sozialen eremuan heztea, horrela soilik ikasiko baitute hauek modu egokian erabiltzen eta hauek dituzten arriskuak ekiditen. 

Informazioari dagokionez, gaur bilatu dugun informazioa oso informazio orokorra izan da, batez ere sare sozialen definizioaren ingurukoa eta sare sozial moten ingurukoa. Horrez gain, hainbat irudi ere bilatu ditugu eta interesgarriak izan daitezkeen web guneen linkak gorde ditugu ere etorkizuneko praktiketan horietan informazio baliagarririk edo interesgarririk dagoen begiratzeko.

Eta Wert ministroak klaseak jasoko balitu?

Greba dela eta, LOMCEren aurkako bideoak bilatzen ibili naiz, aurreko sarreran jarri dut bat hain zuzen, eta bideo hauek aurkitu ditut oso interesgarriak iruditu zaizkidanak, beraz hemen usten ditut!

 

Bideo hauek, Yo estudié en la pública deitzen den youtubeko kanal batetik atera ditut. Kanal honetan bideo gehiago aurkitu ditut LOMCEren aurka eta hezkuntza publikoaren alde eta egia esanda oso ondo daude, nahiko laburrak direlako baina ikusmenerako (bideoen egitura, irudiak...) eta hausnarketerako oso interesgarriak dira. 

Kanalaren linka: http://www.youtube.com/user/yoestudieenlapublica/featured

LOMCE-ren aurkako greba berriz!

"La educación es el arma más poderosa para cambiar el mundo"- Nelson Mandela

"Esta ley ha conseguido una cosa que han conseguido pocas leyes sobre la educación: unir a los padres y a las madres, unir a los estudiantes, unir a los profesores. [...] Eso es lo que ha conseguido Wert, UNIR A TODA LA COMUNIDAD EDUCATIVA CONTRA SU LEY"- Pablo Iglesias

Marea berdea, hezkuntza publikoaren alde! Murrizketarik ez!

Hemen usten dizuet Valderrobreseko (Teruel) eskola bateko ikasleek irakasleen laguntzarekin murrizketen aurka eta hezkuntza publikoaren alde egin duten  lipdub bat. Bideoa polita izateaz gain, politena, eta aldi berean, tristeena, ikasleek esaten dituzten egiak dira. Bideoa Youtuben aurkitu nuen, baina K(i)likatik blogean kuxkuxeatzen ikusi dut bertan ere badaukazuela.

Kuxkuxeroak

SITESa, DELICIOUSa eta GLOGSTERra

Sarrera hau IKT-rako sortu behar izan dugun SITESa aurkezteko da batez ere, izan ere, taldeko lana aurrera eramateko plataforma hau erabiliko dugu. Guk sortutako SITES-a KUXKUXEROAK du izena eta nire taldekideak hurrengoak dira:

- Patricia Ardila  http://iktpatri.blogspot.com.es/

- Igone de la Peña  http://bazeenbehin.blogspot.com.es/

- Erika de las Heras  http://etaazkenakhasiera.blogspot.com/

(Linkak haien blog pertsonalak dira, nahi baduzue hortik pasatzeko ere). 

SITES honetan Lehen Hezkuntzako ikasleek sare sozialekin duten harremana aztertuko dugu. Pertsonalki oso gai interesgarria iruditzen zait, izan ere, gaur egungo gizartean sare sozialen erabilera guztiz zabaldua dago, eta honek eragina du ere umeengan. Baina zer nolako eragina? Negatiboa edo positiboa? Eta hezkuntzarekin lotuta, sare sozialak egunerokotasuneko zerbait izanik, hezkuntzarako baliabideak izan daitezke edo soilik denbora-pasa gisa erabil daitezke? SITES-aren bidez horrelako galderei erantzuteko gai izatea espero dut, lehen esan dudan moduan oso gai interesgarria iruditzen baitzait. Hemen usten dizuet gure SITES-aren linka: 

https://sites.google.com/site/iktkuxkuxeroak/

Uste dut jadanik klaseko guztiok ezagutzen genuela plataforma hau, pasaden urtean ere erabili behar izan genuelako lan bat burutzeko. Pertsonalki lan egiteko erreminta erabilgarria iruditzen zait, batez ere taldeko lanak egiteko erraztasuna ematen duelako, bakoitzak nahi duen lekutik eta nahi duen momentuan lan egin dezakeelako. 

Komentatu nahi dut ere SITES-ean DELICIOUS bat aurkitu ahal izango duzuela, non gaiarekin erlazionatutako artikulu interesgarriak eta bideoak egongo diren, baina badaezpada hemen usten dizuet helbidea ere: https://delicious.com/kuxkuseroak

Azkenik aipatu nahi dut ere astean SITES-arekin eta DELICIOUS-arekin batera gure lehenengo poster multimedia ere sortu genuela GLOGSTER web orrialdearen bidez. Nik ez nuen web orrialde hau ezagutzen, baina oso gauza bisualak eta ikusgarriak egiteko balio duela uste dut eta baita, bai irakasleek, bai ikasleek erabilera handia eman ahal diogula ere. 

Hau da gure GLOGSTER orrialdearen helbidea: http://kuxkuxeroak.edu.glogster.com/ eta sortu dugun lehengo posterra:

Aste honetako praktikak oso interesgarriak iruditu zaizkit, batez ere Deliciusa eta Glogsterra ezagutu ditugulako eta hauek erabiltzen ikasi dugulako ere. Aipatu dudan moduan, SITESa jadanik ezagutzen nuen, baina bi plataforma edo webgune hauek ez, beraz, esan dezaket apurka-apurka IKT-en munduan gero eta gehiago murgiltzen ari garela, edo hori da nik sentitzen dudana behintzat!

LOMCEren inguruan, LOMCEren aurka!

“La educación no puede ser competitiva, lamentablemente la sociedad es competitiva, el mercado es competitivo, la educación tiene que pasar por otro camino, debe ser cooperativa, debe enseñar a los niños de vivir juntos, ayudarse.”

“El motor de todo esto, el juez de todo esto no puede ser el mercado, si no debe ser la felicidad.”

“Yo el miedo que tengo es que hoy que las democracias han conseguido el gran resultado de ofrecer el derecho de estudio a todos, seguimos ofreciendo una escuela para pocos; es decir, ofrecemos a todos una escuela para pocos, que sigue pensando que lo importante es leer y escribir, hacer de cuenta… Y no es capaz de reconocer que al contrario, para ser para todos, hay que ofrecer un abanico amplio de lenguajes, considerándolos todos dignos.”

“La sociedad de mañana, no creo que tiene el derecho el mercado a decidir cómo debe ser. Yo creo que es un derecho de los que serán ciudadanos mañana, que son ciudadanos pequeños hoy y que serán ciudadanos mayores. Y la sociedad de nuestros nietos, será la sociedad que ellos quieran y que ellos realizan. Y me encanta pensar que pueda ser una sociedad hecha de mucha gente feliz y realizada.”

“Si cada uno puede expresar sus capacidades, significa que se reconoce y se acepta cada uno con sus diversidades. Por lo cual, las diversidades nunca pueden ser un criterio de selección y de exclusión.”

“Lo importante es que los niños puedan compartir la experiencia, y no que puedan desarrollar separadamente sus capacidades.”

“La evaluación debe ser una capacidad de medir el progreso, y no el valor absoluto.”

“Una educación para ser educación debe ser pública. Reducir las inversiones en la educación significa comprometer el futuro.”
“Yo creo que la felicidad de una persona es conectada, estrictamente conectada, con la realización de sus deseos. La realización de sus deseos significa poder ser por toda la vida lo que desea más, lo que corresponde a su naturaleza, por lo cual ha nacido. Por lo cual es muy importante que se reconozca esto, y no que valga la pena renunciar a lo por lo cual nacimos, para ser lo que el mercado pide.”

Bideoa http://kilikatik.blogspot.com.es/ bloggean ikusi nuen lehen aldiz eta nire ustez hausnarketarako bidea zabaltzen du. LOMCEren induruan hausnartu behar dugula uste dut, ez soilik etorkizunean irakasleak izango garelako, baizik eta hezkuntza guztion auzia delako, guztion eskubidea, gure etorkizuna eraikitzeko bidea, eta gure etorkizuna nolakoa izango den guk geuk erabaki behar dugulako, inolako murrizketarik gabe, inolako aukerarik alde batera utzi gabe, eta batez ere, inor ere ez gure izenean erabakitzen utziz. Guztiontzako hezkuntza, guztion eskubidea. 

Orduan... Zergatik egin behar dugu LOMCEren aurka?  

 

"El único objetivo de la educación debería ser educar para ser felices." 

Bueltan.

Kaixo lagunok, bueltan nago!

Egia esanda guztiz bertan behera utzita izan dut blogga, hainbat astetan ez dudalako berritu, baina horren arrazoiak hiru dira: LOMCE-ren aurkako 3 egunetako greba, Eskolako eguna eta azaroak 1eko zubia eta MODULO astea. Ez genuenez IKT-ko klaserik izan ez nuen uste blogga berritu behar zenik, baina jadanik argi geratu zait baietz, beraz hemen nago berriz!

MODULO lanari dagokionez, aurten, ondare kulturalari buruzko lana burutu behar dugu eta baita bideo bat egin ere. Nire taldean, Elorriori buruzko kultura ondareari buruz egitea pentsatu dugu, naiz eta gure taldeko inor ez den bertakoa, izan ere, interesgarria iruditu zaigu eta gure jaioterria ez den herri baten ondarea ezagutzeko aukera paregabea dela uste dugu. Gainera, Elorriok aukera asko ematen dizkigu bideoa egiteko! Ikusi! 

“Elorrio, bertara heltzeko leku bat, bertatik hasteko leku bat, eta inondik hastekotan, herriaren bihotzetik.”