Egindako ibilbidea gogoratzeko momentua

Ailegatu da atzera begiratzeko momentua, egindako ibilbidea gogoratzeko momentua hain zuzen.

Oraindik gogoratzen dut lehenengo eguna, bloga sortu genuen eguna. Egia esanda ez nekien oso ondo zer egingo nuen blogarekin, nire bloga izango baitzen, pertsonala, nire taldekideak eta nik bakoitzak bere bloga edukitzea erabaki genuelako, taldeko blog bakarra eduki beharrean. Pixka bat kostatu zitzaidan martxan jartzea blogarekin, baina behin hasita... Erraza izan da bertan murgiltzea. Gogoratzen dut ere Alaitzek ikasgai honetan ikasteko gure ustez izango genituen erresistentzia eta balioei buruz ere galdetu zigula. Dirudiena baino zailagoa den erantzuteko galdera nire ustez, burura asko etorri baitzitzaizkidan egun hartan.

Hurrengo egunetan, taldean landuko genuen gaia aukeratu genuen, sare-sozialak, eta lan taldean aritzeko Kuxkuxeroak deituriko SITES bat sortu genuen. Bertan gaia garatzeko informazioa bateratu genuen, eta baita interesgarria izan zitekeen informazioa ere, beti gaiari buruz, eta, gaia garatzeaz gain, hezkuntzarekin loturak egiten ere saiatu ginen. 

SITESa sortzeaz gain, beste baliabide batzuk ere ezagutu genituen, non kontu bat sortu behar izan genuen bertan lan egiteko. Horiek Delicius eta Glogster izan ziren. Deliciusa informazioa biltzeko eta ordenatzeko lekua da, eta Glogster berriz, poster multimediak sortzeko gunea, biak oso interesgarriak eta erabilgarriak hezkuntzan. 

Asteak aurrera joan ahala, SITESa informazioz betetzen joan ginen eta klasearen aurreko aurkezpena nola egin pentsatzen hasi ginen. Azkenean, SITESean jarritako informazioa azaltzeaz gain, gure klasekideei hezkuntzarako sare sozial bat aurkeztea edo erakustea erabaki genuen, eta horretarako, modan jarri den Edmodo hezkuntzarako sare soziala aukeratu genuen.

Prozesu honen erdian, hainbat kontzeptu desberdin modu laburrean klasearen aurrean azaltzea tokatu zitzaigun. Hiru kontzeptu desberdin zirenez, termino bakoitza bi talde desberdinek azaldu zuten. Gure taldeari folksonomia eta TAG-en garrantzia azaltzea egokitu zitzaigun, dirudiena baino errazagoa den kontzeptua. 

Azkenean, aurkezpenen egunak ailegatu ziren. Guk, sinpletasuna mantentzearren, power point baten bidez aurkezpena egitea  erabaki genuen, baina, denetarik egon zen, aniztasunez betetako bi egun izan ziren aurkezpen egunak. 

Baina, gauza guztietan bezala, denbora amaitu egin zaigu. Kontuan izanda oso denbora gutxi ixan dugula, klase gutxi izan baititugu, grebez eta zubiz beteriko asteak izan baitira, Modulu Laneko bi asteez gain, emaitza oso onak atera direla uste dut, eta azkenean, guztiok zerbait ikasi egin dugula badakit, agian batzuk beste batzuk baino gehiago, baina ikaskuntza prozesu honetan inor ez da kanpoan gelditu. 

Blog hau IKTak eta hezkuntzari buruzkoa da eta egia esanda oso interesgarria iruditu zait. Informazio pila bat dauka, beraz hemen usten dizuet linka!

http://jjdeharo.blogspot.com.es/p/indice-de-articulos.html

Aurkezpenen bidez gure ezagutza eraikitzen!

Bi egun hauetan praktiketako aurkezpenak izan ditugu eta talde bakoitzak landu duen gaiari buruzko egin duten lana aurkeztu digu. Aukeratutako gaiei buruz denetarik egon da: eskola 2.0 (bi aurkezpen), IKT-ak hezkuntzan, sormena, IKT-en historia eta sare-sozialak (gurea), eta gai hauek aurkezteko erabilitako baliabideak guztiz desberdinak izan dira ere: power-pointak, prezziak, bideoak, bloggak, sitesak...

Aniztasun hau dela eta, esperientzia oso aberasgarria iruditu zait, esan moduan, taldeek aukeratutako gaiak, erabilitako baliabideak eta egindako aurkezpenak oso desberdinak izan direlako. Llandutako gaiak oso interesgarriak iruditu zaizkit, hezkuntzaren munduan aukera asko eman ahal dituztenak hain zuzen eta gainera, naiz eta landutako gaiei buruz aurretik zerbait jakin edo erabilitako baliabide batzuk jadanik ezagutu beti dago zerbait ikasteko eta hori da, hain zuzen ere, gu aurkezpen hauen bidez egin duguna. 

Azkenik aipatu nahi dut oso aberasgarria izan dela niretzat beste taldeen bloggeratik eta sitesetatik pasatzea, eta horregatik bertan usten dizkizuet horien linkak: 

• http://iktmagisteritza32.blogspot.com.es
• http://berbo-ts.blogspot.com.es/
• http://tronistak.blogspot.com.es/
• http://sasifilosofoak.blogspot.com.es/
• http://ideiaksarean.blogspot.com.es/
• https://sites.google.com/site/iktkuxkuxeroak/ GUREA

Tic-tac-tic-tac... Aurkezpenaren eguna ailegatu da!

Gaur aurkezpenak hasten dira eta gaur guk gure sare sozialen inguruko aurkezpena egingo dugu! Pixka bat urduri gaude laurak baina lan ona egin dugula uste dugu eta horrexegatik dena primeran aterako da! Edo hori espero dugu behintzat! Hemen usten dizuet aurkezpena egiteko erabiliko dugun power pint-a! Eta gure esperientziari buruz burutu dugun txostentxoa!

POWER POINT-a

TXOSTENA



Eta gure sites-aren linka berriro ere! 

https://sites.google.com/site/iktkuxkuxeroak/

Folksonomia eta TAG-en garrantzia

Alaitzen hiru kontzeptu desberdin definitzeko eskatu digu gaur: RSS sindikazioak, Creative Commons lizentzia eta Folksonomía (TAG-en garrantzia). Horretarako, talde bakoitzari kontzeptu bat definitzea egokitu zaie (sei talde garenez kontzeptu bakoitzaren inguruan bi talde aritu dira) eta gure taldeari Folksonomía eta TAG-en garrantzia zer den azaltzea tokatu zaigu. Talde osoa termino honen definizioa egiten ez ibiltzeko ni izan naiz kontzeptua definitu dudana eta besteak SITESean lanean jarraitu dute. Beraz...

ZER DA FOLKSONOMIA? 

Folksonomia, Thomas Vander Wal-ek sortutako terminoa (Folk=jendea + taxonomía),  etorkizunean berreskuratzeko helburuarekin web helbidea (url) daukan edozein eduki digitalaren banakako etiketatu askearen emaitza da.

Folksonomia web edukiak etiketatzearen ondorio zuzena da. Ekintza hau Internet-eko milioika erabiltzailek burutzen dute eta hau burutzea erraztu egiten da Web 2.0 aplikazioei esker, Social Bookmarking bezala ezagunak direnak.

Folksonomiaren edo TAG-en garrantzia dago alde batetik, beraien erabilpena errazten duten hiru elementuetan: etiketatzen duen pertsonak, etiketatutako errekurtsoa eta eduki horri jartzen zaion etiketaren izena, eta beste alde batetik pertsonek bere berezko hiztegia erabili dezaketelako kontsumitzen ari diren edukiari balioa eransteko bai erabiltzaile, bai produktore gisa.

Hezkuntzari dagokionez, irakasle batek Delicious, BlinkList edo Furl bezalako erremintak erabili ditzake bere klaseetan erabili ahalko dituen errekurtsoen eta edukien zerrenda kategorizatu bat egiteko eta horrez gain, beste irakasle batzuekin konpartitzeko. Irakasle honek faborito bezala markatutako edukiren bat kontsultatzean errekurtso horretarako etiketa berdina erabiltzen duten beste pertsona batzuk topa ditzake eta horrela, antzeko interesak eta etiketatzeko antzeko hiztegia duten pertsonak ere aurki ditzake. Gainera, etiketak behin eta berriro sortzen direnez, sortzen ari diren interesen tendentziak deskubritzea posiblea da.

Aplikazio hauek ere errazten diote erabiltzaileari errekurtsoen bilaketa kategoria espezifikoetan, kategoria horietako edukiak zenbat alditan izan diren estekatuta eta gomendatuta bigarren irizpide gisa erabiliz.

SITESa betetzen!

Gaurko klase praktikoan SITESa betetzen jarraitu dugu. Horretarako gure gaiaren (sare sozialak) inguruko informazioa bilatzen eta aukeratzen ibili gara. Batez ere, sare sozialak hezkuntzan izan ditzaketen erabilerei buruz eta ikasleek bai eskolan, bai eskolatik kanpo ematen dieten erabilerari buruzko informazioa aurkitzen saiatu gara.

Sitesean jadanik sare sozialen definizioa eta sare sozial motei buruzko informazioa aurki dezakezue, eta baita ere sare sozialak dituzten arriskuak eta hauek erabiltzeko gomendioak ere.

Horrez gain, aurkezpenari buruz pentsatzen aritu gara, hau da, aurkezpena nola burutuko dugun, baina momentuz ez dugu ezer argi informazioa lantzen ari dugulako oraindik. Aurreko sarrera batean aipatu nuen bezala, gai honi buruz informazio asko dago sarean, eta horrexegatik zaila egiten zaigu informazio guzti horren gainean aukeraketa bat egitea eta erabakiak hartzea. Hala ere, lanean murgilduta gaude guztiz, beraz, ez dut uste arazorik izango dugunik azkenean. 

Sare sozialen inguruan lan egiten!

Gaur gure SITESa betetzeko informazioa bilatzen aritu gara. Egia esanda sare sozialei buruzko informazio asko dago interneten, horiek gero eta gehiago zabaltzen ari direlako eta gure eguneroko bizitzaren parte bihurtu direlako, baina horrez gain, eztabaida asko sortzen dituztelako horien alde daunenen eta horien kontra daudenen artean. Egia da sare sozialek hainbat alderdi txar eta arrisku dituztela, baina egia da ere oso baliagarriak izan daitezkeela edozein eremutan (hezkuntza, enpresetan...) eta ez soilik eremu "pribatuan". Gainera, asko normalizatu direnez gure gizartean eta bizitzan, nire ustez, oso garrantzitsua da ikasleak ere sare sozialen eremuan heztea, horrela soilik ikasiko baitute hauek modu egokian erabiltzen eta hauek dituzten arriskuak ekiditen. 

Informazioari dagokionez, gaur bilatu dugun informazioa oso informazio orokorra izan da, batez ere sare sozialen definizioaren ingurukoa eta sare sozial moten ingurukoa. Horrez gain, hainbat irudi ere bilatu ditugu eta interesgarriak izan daitezkeen web guneen linkak gorde ditugu ere etorkizuneko praktiketan horietan informazio baliagarririk edo interesgarririk dagoen begiratzeko.

Kuxkuxeroak

SITESa, DELICIOUSa eta GLOGSTERra

Sarrera hau IKT-rako sortu behar izan dugun SITESa aurkezteko da batez ere, izan ere, taldeko lana aurrera eramateko plataforma hau erabiliko dugu. Guk sortutako SITES-a KUXKUXEROAK du izena eta nire taldekideak hurrengoak dira:

- Patricia Ardila  http://iktpatri.blogspot.com.es/

- Igone de la Peña  http://bazeenbehin.blogspot.com.es/

- Erika de las Heras  http://etaazkenakhasiera.blogspot.com/

(Linkak haien blog pertsonalak dira, nahi baduzue hortik pasatzeko ere). 

SITES honetan Lehen Hezkuntzako ikasleek sare sozialekin duten harremana aztertuko dugu. Pertsonalki oso gai interesgarria iruditzen zait, izan ere, gaur egungo gizartean sare sozialen erabilera guztiz zabaldua dago, eta honek eragina du ere umeengan. Baina zer nolako eragina? Negatiboa edo positiboa? Eta hezkuntzarekin lotuta, sare sozialak egunerokotasuneko zerbait izanik, hezkuntzarako baliabideak izan daitezke edo soilik denbora-pasa gisa erabil daitezke? SITES-aren bidez horrelako galderei erantzuteko gai izatea espero dut, lehen esan dudan moduan oso gai interesgarria iruditzen baitzait. Hemen usten dizuet gure SITES-aren linka: 

https://sites.google.com/site/iktkuxkuxeroak/

Uste dut jadanik klaseko guztiok ezagutzen genuela plataforma hau, pasaden urtean ere erabili behar izan genuelako lan bat burutzeko. Pertsonalki lan egiteko erreminta erabilgarria iruditzen zait, batez ere taldeko lanak egiteko erraztasuna ematen duelako, bakoitzak nahi duen lekutik eta nahi duen momentuan lan egin dezakeelako. 

Komentatu nahi dut ere SITES-ean DELICIOUS bat aurkitu ahal izango duzuela, non gaiarekin erlazionatutako artikulu interesgarriak eta bideoak egongo diren, baina badaezpada hemen usten dizuet helbidea ere: https://delicious.com/kuxkuseroak

Azkenik aipatu nahi dut ere astean SITES-arekin eta DELICIOUS-arekin batera gure lehenengo poster multimedia ere sortu genuela GLOGSTER web orrialdearen bidez. Nik ez nuen web orrialde hau ezagutzen, baina oso gauza bisualak eta ikusgarriak egiteko balio duela uste dut eta baita, bai irakasleek, bai ikasleek erabilera handia eman ahal diogula ere. 

Hau da gure GLOGSTER orrialdearen helbidea: http://kuxkuxeroak.edu.glogster.com/ eta sortu dugun lehengo posterra:

Aste honetako praktikak oso interesgarriak iruditu zaizkit, batez ere Deliciusa eta Glogsterra ezagutu ditugulako eta hauek erabiltzen ikasi dugulako ere. Aipatu dudan moduan, SITESa jadanik ezagutzen nuen, baina bi plataforma edo webgune hauek ez, beraz, esan dezaket apurka-apurka IKT-en munduan gero eta gehiago murgiltzen ari garela, edo hori da nik sentitzen dudana behintzat!

Blogger bihurtzen.

Kaixo! Ni Naroa Castaño naiz, Magisteritza eskolako ikaslea. Lehen Hezkuntza ikasten ari naiz, bigarren maila hain zuzen ere, eta hau IKT irakasgaiarako sortu behar izan dudan bloga da. 

Esan beharra daukat, pixka bat galdurik nabilela, blogaren kontu hau guztiz berria delako niretzat, baina beti izan dut gustuko gauza berriak frogatzea... eta hau aukera paregabea dela uste dut! Gainera, kontuan izanik teknologia berriak gure egunerokotasunaren parte bihurtu direla, hauek eskaintzen dizkiguten aukera guztiak ezagutu behar ditugu, nola erabili ikasi, gero, etorkizunean, gure lanbidean normaltasunez barneratzeko gai izateko.

Atzo, Alaitzek, gure irakasleak, bere bloga erakutsi zigun, non informazio pilo bat daukan irakasgaiari buruz, beste urteetako ikasleek egindako blogei buruz eta baita Magisteritzako edozein ikaslearentzat interesgarriak izan daitezkeen gaiei buruz. Hala ere, atzo ez genuen gure bloga sortu, hori gaur egin dugun kontua izan da, eta horregatik nabil zer egin jakin gabe. Momentuz, "trasteatzen" ibili gara, blogaren itxura aldatzen, orrialdeak eta sarrerak sortzen... hau da, blog bat edukitzeko gauzarik oinarrizkoenak nola egin ikasten. 

Aurrera joan ahala, gauza konplexuagoak egiten ikastea espero dut, bloga gero eta interesgarriagoa eta beteagoa izan dadin, bai niretzat eta bai zuentzat. Beraz, ikasteaz gain, bloga egiten disfrutatzea espero dut, eta zuek irakurtzea noski!