Aste honetan ez ditugu klase normalak izan, modulu astea izan baita. Nire taldea eta ni txosten idatzia egiten eta bideoaren muntaketa egiten ibili gara, izan ere, gure taldeko kide bat, Eider, Saharara joan zen pasaden asteko ostiralean, beraz, bideoa pasaden astean grabatu behar izan genuen eta horregatik aste honetan soilik geratzen zaigu txosten idatzia amaitzea eta bideoaren muntaketa egitea!
Hasiera batean pixka bat estresatuta ibili ginen bideoaren grabaketa oso goiz egin behar izan dugulako, baina egia esan orain eskertzekoa da, askoz ere lasaiago ibili ahal garelako eta horrela, beste lan batzuk egiteko denbora daukagulako!
Modulu lanari buruz egin nuen aurreko sarreran jadanik aipatu nuen gure lana Elorrioren kultura ondareari buruzkoa dela. Nik ez nuen Elorrio ezagutzen, baina egia da xarma berezia daukan herria dela, oso polita gainera, nahiz eta kriston hotza egin zuen grabaketaren egunean!
Grabaketaren aldetik, oso erraza egin zitzaigun grabatzea eta ez genuen denbora asko behar izan, gure bideoaren ardatza Eiderrek idatzitako istoriotxo bat delako, eta istorio horri esker bagenekielako zenbat denbora iraun behar zuen ezena bakoitzak. Gainera, ezena bakoitzen agertu behar zena ere argi geneukan beraz... oso lan erraza izan zen! Ailegatu, grabatu eta etxera bueltatu!
Zeintzuk dira ostiral bateko azkeneko klasean azken momentuan burura etortzen zaigun lehen hitza? Ba... bizitzan bezala denetarik dago! Batzuk sorbaldan dugun astearen neke guztia aipatzen dute, edo orduak eragitzen duen gosea. Beste batzuk berriz, beraien izaera isladatzeko edozein momentu aprobetxatzen dute, eta noski, aukera hau ez dute galduko! Edo klasea isladatzen duen hitza aukeratzen dute... Esan bezala, denetarik dago; emozioak eta pentsamenduak adierazteko aniztasuna dago.